und d Bei im Training gfühlt dopplet so schwär.

S Trainingsspiel vo gester hed bi allne sini Spure hinderlah,

und die einte hend würkli es paar gröberi blau Fläcke gha.

Das haltet aber de Peti ned devo ab, es intensivs Training z organisiere,

är isch de Meinig, dass mier de morn im Flugi no gnueg chönd pausiere.

Drum gids en Laufüebig mit Passspiel und Torabschluss,

s lääre Goal träffe isch dabebi «ein Muss».

Nachem Training dued s chalte Wasser im Pool so richtig guet,

und gid üs fürs letschte Training am Namittag wieder Muet.

Bi sehr warme Temparature stad am Namittag de Spass komplett im Vordergrund,

s Ziel isch, dass bim Mätschle bi allne d Fuessballfreud no einisch so richtig fürechund.

En wichtigi Entscheidig isch ah dem Namittag au no im Side-Cub gfalle,

und de Jubelschrei vode Pussys dued üs sogar jetzt no ide Ohre halle.

D Sidechicks and the Tiger sind leider chle weniger guet gsii bim jongliere,

aber macht nüd, sie düend de Pussys liebend gärn en Pizza spendiere.

Die einte chöntid sich definitiv as Lagerläbe gwöhne,

und lönd sich drum nachem Training nomal usgibig ide Massage verwöhne.

Dasmal heds zum Glück kei heissi Stei meh gäh,

drum hedne au niemert müesse zum Füdlispalt usnäh.

Nacheme usgibige Znacht,

hemer üs zäme ufe Wäg ah Strand gmacht.

Zäme as Team hemer underem Stärnehimmel welle üses Velthi-Lied singe,

Und so de Abig gmeinsam im gmüetliche Rahme lah usklinge.

Es bitzli trurig sind mier natürlich scho gsii,

sone Trainingslagerwuche gad eifach immer viel zschnell verbii.

Ah dere Stelle es grosses Danke ad Meli und d Auri fürs Organisiere,

mier hend ghört, de Peti dued üch gärn eis, zwoi Bierli spändiere!

Mier chönds jetzt scho chum erwarte,

bis s nächste Trainingslager dued starte.

Bis det ane gahts aber no en Momänt und das isch guet eso,

mier hend üs nämli für d Rückrundi so einiges vorgno!

Zerst gnüssemer jetzt aber no de letschti Abig ganz klar,

miteme feine Getränk ah üsem Stammplatz ide Bar!

Vale's, Blicki & Petra

Hüt isches sowit, 

Nervosität und die ganz Vorfreud stiegt. 

Für die einte oder andere isch es recht spat worde, 

das het mer den gmerkt am Zmorge. 

Das macht aber nüt gmapft ish trotzdem worde. 

S'Morgetraining isch schön locker gsi, 

da hend au all no ihri schueh däbi. 

Nachem Zmittag hemer den no Stress gha,

nur de Car de het sich Ziit lah.

Drum hend die einte d'Fuessballschueh ufem Balkon liege lah. 

S Zimmer 1526 sind die Schuldige 

und hend de Rase ide Adilette wele erkundige. 

Währendem Match isches eigentlich nöd schlecht gloffe,

nur hend d Gegnerinne 5x troffe. 

Trotz so vielne Umständ isches ganz guet gloffe, 

leider hemmer s Goal i dene strenge 90 Minute nur eimal troffe. 

Die stinkig Carfahrt isch schnell verbi gange, 

bitte ab id Duschi s einzige Verlange. 

So simmer alli wider frisch, 

ab jetzt wird tanzt uf em Tisch, 

es esset aber nume wenigi vom feine Fish. 

De Abig lömer ruhig usklinge, 

mit bitzli Trinke und Esse zum abeschlinge

Jetzt gits aber no en chline Bricht, 

die 3 Schuldige ohni Schueh beendet die Gschicht.

Sam, Kyra, Vivi

isch d Zischtignacht wiederemal usgartet. 

Bis i die früehe Morgestunde, 

hemmer ganz viel Intims vonenand usegfunde. 

Dazue hemmer - zum Leid vo de Chiara - d Lüt nid mal zunere Fragerundi müesse zemetrudle, 

de Alkohol het glanged, zum alles lah usesprudle. 

So schön chömmer ois so vertraue, 

und zäme immer wieder uf de Putz haue. 

D Erinnerig denah, isch am nögschte Morge gar nöd mal so klar, 

Defür isch de Kater erstunlicherwis rar.

Im Car uf Antalya scho wieder all am singe, 

hemmer en freie Tag chöne mitenand verbringe. 

Als Ersts hemmer ois d Mäge vollgschlage mit feinem türkischem Esse, 

lecko mio sind mir verfresse. 

Under de summerliche Sunnestrahle, 

hend d Verchäufer a de Ständ mit ihrne Ware welle prahle.

Di Einte hend sich nöd lah lumpe, 

di Andere hemmer nöd chöne devo abhalte is Bazarmeer z'gumpe. 

Laufe isch ja schön und guet, 

aber bim Bier trinke ziehmer alli de Huet. 

Wunderbars Meer, atemberaubendi Küste - umecho simmer scho Welte, 

trotzdem erinnerets ois a Velthe. 

S'Flüeli isch ois immer präsent, 

s'altbekannte Miller, entdeckt, scho fasch ufeme andere Kontinent. 

S'Resti-WC schono verschisse, 

simmer mit voller Blase zrugg in Car gstiege, ganz schön gschlisse.

Im Hotel acho, wieder mal as Buffet, wie jede Tag, 

Zwar kei Alkohol, aber chli Dessert hets scho gäh, kei Frag. 

Okay, für di einte vilich scho en Drink, 

trotzdem wämmer fürs Trainingsspiel morn si flink.

Aso gheiemer all is Bettli,

i die Matratzene, so weich wie Weggli.

Chiara S., Mika und Meli

und de Zmorge isch wie immer super gsii.

D Taktiküebig im Morge-Training hemer mit Bravour gmeisteret,

das hed üse Trainer de Peti total begeisteret.

Wer tschuutet wett natürlich au schöni Füessli ha,

drum hend sichs die einte ide Pedicure lah guet gah.

Anderi hend gfunde sie lönd sich schnell es Wülchli tättowiere,

dass sie au de Lüüt ide Schwiiz chönd imponiere.

Das sie usversehe es B statt es P gschriebe hend, isch doch sauwitzig,

will jetzt sind die Pukis ufem Platz erscht rächt spritzig.

Im Training am Namittag isch de Peti bi sinere eigne Üebig nüme drus cho,

und es hed viel meh Ziit as plant ii Ahspruch gno.

Bitzli hange bliebi simmer bi dere Üebig alli,

usnahmswiis also ned nor d Vali.

Sogar d Mika isch dur das völlig näb de Schueh gstande,

und hed de Abschluss vom Training chle falsch verstande.

Zielstrebig lauft sie zude Blicki vorem Goal,

aber anstatt dass sie abklatscht, seid sie eifach „zum wohl“.

Gedanklich hed sie scho welle es Bier näh, debii heds nachem Training zerscht mal en Massage gäh.

Mit sächs Training ide Bei,

seid zunere Ganzkörpermassage und Hamam niemert nei.

Miteme warme Stei im Füdlispalt,

hed denn sogar d Eleni nüme chalt.

Nacheme usgibige Znacht,

hemer üs bim Quiz fascht id Hose gmacht.

Vode de Meli und de Auri top organisiert,

hemer üs prächtig amüsiert.

Eso hemer no ganz spannendi Sache vonenand chöne in Erfahrig bringe,

Und de Abig mit 1,2 oder 3 Bierli lah usklinge…

….

D Party isch natürli nonig verbii, mer gönd no lang ned hei,

D Velthis lönds lah krache und schwingid s Tanzbei.

De Tag ii eim Satz zämegfasst vode Juli wär de öbe so:

„Hüt gids Fütz, oyyyyyy“…chasch da no?

Blicki, Petra & Vale‘s

gömmer ine intensivi Trainingsphase. 

D Bei scho nüme ganz eso frisch, 

erfreuemer ois scho wieder am Esse ufm Mittagstisch. 

Scho langsam es Ritual - mit de Bei is Wasser - so chalt, 

git ois d Abchüelig für de Namittag wieder Halt. 

De Abig denn eher flau, 

mir freued ois uf morn - denn simmer wieder blau. 

Es Bier nehmemer nume eis id Hand, 

und begebed ois bi Ziite i oises Bettgwand. 

Di Jüngste simmer nüme, das müemer akzeptiere, 

und mit Vernunft druf reagiere.

Chiara S., Mika und Meli

S erste mal Zmorge esse mitenand, 

es isch so schön binenand.

S erste Training staht vor de Tür, 

s Bier ah de Bar isch ultra tür.

Mir sind alli pünktlich i de Lobby, 

jetzt chans starte euises Hobby. 

De Car isch parat zum starte, 

jetzt mümer nüme warte.

De Platz isch hert und nass ,

trotzdem machts euis spass.

Mir händ super Üebige gmacht

und zum Schluss bim Sidecup hend mir glacht (tiger-peti).

Den simer no as Meer füre gloffe

und händ viel Katze troffe.

Shoppe, esse und chli schlafe, 

fürs Training hemer euis wieder müsse ufraffe.

S’Training chli verpeilt, 

mir hend ghört ide Schwiiz hets gschneit. 

Also simmer gschlisse wider zrugg, 

ufem weg aber nöd über Brugg. 

Sondern hend nomal e meile gseh, 

wo de Claudio chan chli Geld usgeh. 

So jetzt hemmer s Budget scho erreicht, schnell d Wösch abgeh susht werdets nüme weich. 

Jetzt hend alli hunger, ab in Saal

gömmer go esse wider mal. 

Soo jetzt gömmer a die gmüetlich Bar, de Alkohol ish i dem Hotel rar.

Mir sind Veltheim Fraue,

sie hend für eus kei Bier braue. 

Skrrrrtttt 

Sam, Kyra & Vivi

De Fritig morge bereitet vielne nümme so viel Sorge, denn es paar stündli meh schlaf hemmer chöne bsorge. Nacheme Spaziergang am Strand, hemmer sletzt mal chöne gspüre de Sand. De z‘morge hemmer no zu eus gno am früehne morge.
Mit gnueg ziit bim packe hend die meiste chöne entspanne, lache und ihres züg ipacke.
Am gschiedste miteme fründliche und zfriedene tschüss ciao het eus gfreut, hämmer gfunde mir fahred los uf direktem weg zu eusne liebste.
Mit echli meh km/h uf de autobahn, hemmer alli la stah sogar de schnellsti ma. En churze stopp zum de chopf lüftle, demit djulia het chöne wiiter tüftle.
Nachem Gotthart simmer anere Rastette acho, det het d‘äbe als erst mal Aromat becho und mit Tomätli zue sich gno.
All hends verstande, mir sind wieder ide schwiz drum simmer alli vom gas gange, ussert d‘jenni sie het derfe s‘helle liecht gseh, aber kei angst mir lönd dich sicher nöd la hange.
uhhh das wird e türi buess, aber mir sind da und stützet din fuess.
Fraue, cool isches gsi, spass hemmer gha im flüeli acho hämmer doch ned chöne d‘finger vonenand la. Es bierli, echli mäc tuet guet eusem späck. Echli spass es chli shot, s’beste team hollt sich immer de besti spot.
Sbierli das muessmer wähle sust wür eus sbeste fähle.
So simmer halt, so werdemer immer si, bis zum nöchste mal und bis gli.

Vale, Auri und Vali

Am Morge simmer alli fürs Zmorge ufgwacht,

de meiste het das au nüt usgmacht.

Nur di einte sind aber im Bett blibe,

bi dene het nemmli i de Znacht vo gester sis Unwese triibe.

Es bizzli Durchfall det, es bizzli chötzle da,

zum guete Glück hend 12 trotz em gestrige Esse no chöne stoh.

Noch em Pfläge vo de Chranke,

sind die andere uf de Fuessballplatz go Sunne tanke.

Es bizzli seriöses Training hemmer denn au no möse mache,

mit Ballfüehrig, Pass und Schuss hemmer das chöne entfache.

Es Fuessballtennis hemmer zum Abschluss gmacht,

und das i sinere volle Pracht.

Fast kein Ball isch uf di ander Siite cho,

das hemmer denn halt nochere Wuche intensivem Training so hii gnoh.

Zum Zmittag hets Suppe geh,

das hend au di Chranke chöne ihneh.

Am Nomi simmer de Klippe noh go spaziere,

zum nöd nur d Bei sondern au Mäge uskuriere.

Gnueg Sunne tankt,

simmer id Bar und hend e paar Bierlii hindere gflankt.

Am Abig hemmer Scharade gspiilt,

und einigi hend au eifach nebet dra chillt.

D Begriff hemmer mit lustige Erkärige, Bewegige und au Grüüsch vor gmacht,

und das bis zmittzt id Nacht.

Mit guete Gspröch hemmer denn de Tag beendet,

und so het sich am Schluss niemert vom Bett abgwendet.

Anna, Meli und Mika

Guet erholt vom Zistig,
simmer nacheme churze Istig,
id Sprintüebig für schnelli Bei,
da gömmer ab wie es Zäpfli, hei-ei-ei.
Dänn ä Schuss-Üebig wo niemert verstaht,
es Wunder, dass de Äbe s'Lache nonig vergaht.
Ide churze Mittagspause,
gits für alli e Magnesiumbrause.
Ide Pressing-Üebig am Nami isch d'Luft chli dusse gsi,
und mer secklet all am Ball hinedri.
Es Brazil am Schluss no zum Vergnüege,
das het niemer meh chöne rüege.
Fröhlich, frisch und mit knurrende Mäge,
hemmer de "Primo Piatto" möge wegfäge.
Für de zweit het de Hunger nüme welle lange,
doch de erst isch für di einte scho gnueg gsi, di ganz Nacht über de Schüssle z'hange.
Doch vorem chötzle chunt de Spass - das weisch,
s'dasjährige Quiz fühlt ois ufs Zahfleisch.
D'Frage sind gsi ganz flotti,
und das liiht nid nur a de ganze Ramazzotti.
S'eint oder ander hemmer vonenand no glernt,
gwüsst hemmer scho, dass d Anouk für Aperol Spritz schwärmt.
Während d Jenni vonere Null-Promill-Toleranz cha träume,
möchti d Valerie ihri Chance als Liegestuehl flachgleit z'werde, nöd versäume.
Egal ob mögliche Pornoname oder Lebensmotto,
vor luutem Lache chunt fasch opsi s ganze Risotto.
Bi de einte denn würkli, bi de andere nur schier,
träumemer all vo de Mika als Scharnier.

Chiara S., Eleni und Lea

Nachere wilde Partynacht hemer viel gmützt,
doch das het gege d'müedigkeit au nüt gnützt.
Am Morge hemer eus wieder troffe ide Bar,
aber nur uf en Kafi, das isch doch klar.
Rimini ischs Ziel vom Usflugstag gsi
und det simmer denn i windeseili hi.
Parkiert hemmer maximal wit vom Städtli entfernt,
hemmer denn nacheme 30 minütige Marsch glernt.
D Suechi nacheme geeignete Mittagsmenu für 16 Persone,
het die müede Bei au nid welle schone.
für de zmittag hemer en sunneplatz gsuecht
und für einisch hend anderi als d'anouk und d'äbe gfluecht.
Büücher mit Pasta, Piadina und Wii vollgschlage,
da het denn nachher niemer meh möge klage.
s'junge spreu het sich den vom alte weize trennt
und isch zum shoppe de vo grennt
die alte wiederum hend s einzig richtig gmacht und einisch meh de alkohol ahglacht.
Am Punkt sibni het s Stündli gschlage
und mir hend endli derfe ade erste Pizza nage
E Ananas uf de Pizza het in ganz Rimini e Welle vo Empörig usglöst,
het echt d Eleni das au mitbecho oder het sie wieder vor sich hi döst?
Nachem Suff vom Vortag hend oisi Lebere dicht gmacht,
drumm simmer nachem usflug direkt is bett kracht.

Äbe und Julie

Einigi vo ois hend fast keis Aug zue tah,

will ihri Nachbere hends krache lah.

Trotz ere chli unruhige Nacht,

hämer im Training guet mitgmacht.

D Vierer-Ketti üebe isch ois glunge,

drum simer ih die nexti Üebig gsprunge.

D’Agriffsuslösig hämer im Ahschluss trainiert,

und au oisi Goalies händ amel brilliert.

Nachem feine italienische Mittagesse,

dörf mer s nexte Training nöd vergesse.

Am Schluss vomene guete Nami mit viel Ihsatz,

simer alli recht müed vom Platz.

Nachem Dusche und em guete Znacht,

hemer ois alli für en glatte Abig parat gmacht.

Oise grossi Durst hämer chöne stille,

und nebedbi gmüetlich im Zimmer chille.

Irgendwenn simer echli luut worde,

das hät bereitet am Hotel viel Sorge.

Womer den alli hend gnueg trunke,

simer müed is Bettli gsunke.

Nadja und Dodo

S’isch Sunntigmorge, mir tüüf im Schlaf mit keinerlei Sorge.

D Gäscht no am träume, het de Donat hüt kei Ziit welle versäume.

So het im Zimmer 224 zerscht de Hund luut bället und erst denn de Wecker gschället.

Für di einte no zmitzt ide Nacht het d Jenni am Strand scho d Sunne ahglacht.

Dank Pizza und regionaler Ananas het s’Zmorgebuffet au di Hinderletschte usem Bett useglockt und scho bald simmer mit vollem Buch im Auto inä ghockt.

Geschter chli viel Bier trunke, simmer hütt fascht im Rase versunke.

Dä Platz weicher als eusi Matratzä, het eusi Freud churz lah platzä.

Womer hend müesse Tacklings machä, het einzig de Platzwart nümä chönne lachä.

Tüüfi Löcher hemmer im Rase hinderlah da hetter also gar kei Freud dra gha.

Und bim Latteschüsse het keini troffe - warum echt? S sind alli no bsoffe.

Zrugg vom Training und ab in Speisesaal, nödmal d Antarktis isch eso kahl.

Dä Eintä het d Pasta scho fascht us de Ohre usegluegät und di andere hends wie Weltmeister innegfuagät.

Aber jetzt überspringemer es paar Stund und gäbed eu de Abig kund.

Keine hets überrascht, au zum Znacht hemmer eimal meh Pasta vernascht.

Viel Froid hend au d Kellner gha, womer die halb leere Teller hend möse lah stah.

So viel chan nid mal en Regionalmeister im Vielfresse esse, glaubed ois, de wür sich nid welle mit ois messe.

Verdaue dutmer nachm chaue: Im Wasser gaht das schins am beste, drum hend das es paar welle teste.

Doch au de Wellnessbereich laht z Wünsche übrig und d’Hut isch nach gfühlt 5 Minute scho pflüdrig.

En kalte Pool und es paar einzelni Drüse – das git aso e klari Analyse:

Nöd überagend und au nöd schlecht, aber für die 10 Euro würklich chli ungrecht.

Es isch denn au nüm würklich viel gloffe, mir hend ois ide Lobby nur na uf es Bierli troffe.

D‘ Zit isch verstriche und nacheme kaputte Glas und me guete Telefonat hend sich d Anouk und d Julia is Zimmer gschliche.

Ja de Bricht isch miteme Augezwinker z’verstah, so schlecht hemmers imfall gar nid gha! 

Anouk und Julia

Besammlung um vier Uhr am Morgen,

bereitete allen grosse Sorgen.

Um fünf ging es los,

nur zwei die blieben, warum blos?

Normalerweise heisst es: Wer kein Kopf hat, hat Beine

doch Julie hatte keine - sondern nur Räder. #BMW

Kopflos wollten wir nach Würenlos

doch fuhren wir Richtung Gotthard los.

Nach allzälligen Pipi Pausen

ging es weiter mit vielen Flausen.

Nach sieben Stunden Autofahrt,

war das noch nicht genug hart,

deshalb fuhren wir ein Mal durch

ganz Cattolica hindurch.

Angekommen mit leerem Magen, warteten wir auf das Mittagessen-

doch sie haben unsere Vegis vergessen.

Unser neuer Kellner Freund Michele hatte viel Geduld mit uns

und zauberte das Essen geschwind für uns.

Nach Esspresso und Kuchen

ging es dann ins Zimmer zum Schmusen.

Mit ein bisschen ADHS überzeugte uns Coach Jenni nach einer kurzen Pause,

für einen Spaziergang am Strand entlang.

Donat hatte mehr Spass als wir,

denn wir dachten nur noch an unser Bier.

Zurück in unserem Hotel gingen wir unserem Wunsch nach

und machten uns alle glücklich, weil der Kellner unsere Shots brach.

Mit vollen Mägen nach dem Znacht,

gingen wir schlafen und träumten die ganze Nacht.

Vale Auri und Vali

Veltheim: Höhener; Batt, Wachter, Kessler; Salimbeni (46. Stanger), Sieger (73. Schneiter), Abbühl, Fässler; Bolleter (46. Orsillo), Freihofer (80. Lajqi), Suter (82. Aurora).

Wir sind sehr froh, konnten wir die negative Serie beenden und vor dem Saisonabbruch noch wichtige 3 Punkte holen.